കണ്ണൂര്

കണ്ണൂര്‍: ഈ മാസം രണ്ടിന് കാസര്‍കോഡ് ജില്ലയിലെ ഹൊസങ്കടിയില്‍ നിന്നാരംഭിച്ച സോഷ്യല്‍ ഡമോക്രാറ്റിക് പാര്‍ട്ടി ഓഫ് ഇന്ത്യയുടെ ജനകേരള യാത്ര കണ്ണൂരില്‍ രണ്ടാം ദിവസത്തെ പര്യടനം തുടങ്ങി. പോരാട്ടങ്ങളുടെയും സമരങ്ങളുടെയും ചരിത്രമുറങ്ങുന്ന മണ്ണില്‍ ജനകേരളയാത്രക്ക് ഊഷ്മണ സ്വീകരണമാണ് ലഭിക്കുന്നത്.
ഇന്നുരാവിലെ ശ്രീകണ്ഠാപുരത്ത് നിന്നു തുടങ്ങിയ യാത്രക്ക് ഇരിക്കൂര്‍, ഇരിട്ടി, മട്ടന്നൂര്‍, കൂത്തുപറമ്പ് എന്നിവിടങ്ങളില്‍ സ്വീകരണം നല്‍കി. വൈകീട്ട് തലശ്ശേരി ബസ് സ്റ്റാന്റ് പരിസരത്ത് ഇന്നത്തെ പര്യടനം സമാപിക്കും. എസ്.ഡി.പി.ഐ രാജസ്ഥാന്‍ സംസ്ഥാന പ്രസിഡന്റ് മന്‍സൂറലി ഖാന്‍ മുഖ്യപ്രഭാഷണം നടത്തും. യാത്ര നാളെ കോഴിക്കോട് ജില്ലയില്‍ പ്രവേശിക്കും. രാവിലെ ഒമ്പതിന് അഴിയൂരിലാണ് ആദ്യ സ്വീകരണം. 10ന് വടകര, 10.45ന് പയ്യോളി, 11.30 കൊയിലാണ്ടി, 12.30 അത്തോളി, 3ന് പേരാമ്പ്ര, 4ന് പന്തീരിക്കര, 5 ന് ആയഞ്ചേരി 7ന് നാദാപുരം എന്നിവിടങ്ങളിലെ സ്വീകരണ പരിപാടികള്‍ക്കു ശേഷം 8 ന് കുറ്റിയാടിയില്‍ യാത്ര സമാപിക്കും.